موضوع النهاردة عن حساسية الانف والجيوب الانفية والتهابات الجيوب الانفية وعملية منظار الجيوب الانفية
#حساسيةالأنف_والجيوب_الأنف
كتير بنسمع عن ناس بتقول عندها حساسية او عندها جيوب انفية. يعني ايه حساسية انف وجيوب انفية؟ وهل فيه فرق بين حساسية الجيوب الانفية والتهابات الجيوب الانفية؟
* في فرق طبعا بين الحساسية والالتهابات وممكن الاتنين يبقوا موجودين مع بعض في نفس الشخص. هنتكلم ان شاء الله عن الحساسية النهاردة.
* يعني ايه حساسية أنف وجيوب انفية؟
يعني ان الشخص اللى عنده حساسية، الانف حساسة وبتتفاعل مع التغيرات والمواد الغريبة في الهواء اللى بنتنفسه. و دي حاجة مش طبيعية. يعني الانسان الطبيعي ومعظم الناس معندهاش حساسية. نسبة الحساسية في الناس بتتراوح من ١٠-٢٠%. يعني كل مائة شخص بتلاقى من ١٠ ل٢٠ واحد عندهم حساسية. وطبعا بدرجات مختلفة لسه هنقولها.
* هل الحساسية دي وراثة؟
و ده بنسمعه كتير من الناس في العيادات. اه طبعا في جزء كبير منها وراثة. يعني هتلاقي الاب والام في حد منهم عنده حساسية والابناء عندهم حساسية.
* إيه أسباب الحساسية؟
زي ماقولنا قبل كده ان الانف بتتفاعل بطريقة غريبة مع الاشياء اللى في الهواء بنتنفسها. و دي حاجه في جينات انسجة الانف مخلوقين بيها.
* يعني الحساسية دي حاجة مؤقتة ولا مستمرة؟
الحساسية مرض مزمن بس بيزيد في اوقات ويقل في اوقات وممكن يحصل في مواسم معينة او أثناء التعرض لشئ معين في الهواء.
* أيه اعراض الحساسية ونعرف إزاي إن عندنا حساسية؟
اعراض حساسية الانف والجيوب الانفية انك تلاقي فيه عطس متكرر ورشح مستمر ولون الرشح او البلغم بيكون شفاف زي الماية وحكة في الانف او سقف الحلق او العين وانسداد بالانف وصعوبة التنفس وكحة وصداع ووجع في الاذن وطقطقة في الاذن ودموع واحمرار بالعين وهالات سودا اسفل العين.
* نفرق إزاي الحساسية من دور البرد؟ كتير من الناس عندها حساسية وهيه فاكرة انه دور برد؟
كتير من الناس بتقول في العيادة ان دور البرد مبيسيبهاش وإن صيف شتى عندها برد.
البرد له مده معينه وبينتهي اخرها اسبوع وعمره ما يمسك الشخص طول الشتا او الصيف بصورة مستمرة. الناس دي بتبقى عندها حساسية وبتقول عليه برد بالغلط.
من الفروق بين البرد والحساسية، ان البرد بيكون فيه سخونية والافرازات من الانف تقيلة ولونها بيتغير ويكون اصفر او اخضر وممكن تلاقى وجع في المفاصل.
* ايه هيه انواع حساسية الانف والجيوب الانفية؟
في حساسية موسمية و دي هتلاقيها في اوقات معينه من السنه زي فصل الربيع وأواخر الصيف وبداية الخريف و دي بيكون سببها حبوب اللقاح والزرع والزهور. وفيه حساسية طول العام وبيكون سببها التراب والعفار والفطريات الموجودة حولينا في البيت. وفيه حساسية عند التعرض لروائح معينة زي البرفانات وروائح الاكل زي الشطة والفلفل الاسمر والمبيدات الحشرية زي البيروسول والمنظفات والمواد الكيماوية زي الكلور والفنيك.
* نتأكد ازاى ان عندنا حساسية انف وجيوب انفية؟
طبعا بالكشف الطبي والاعراض اللى بتظهر على الشخص. وفيه طبعا اختبارات حساسية بتتعمل في مراكز الحساسية عشان نعرف منها ايه المواد المسببة للحساسية.
* نعالج ازاي حساسية الانف والجيوب الانفية؟
أول وأحسن طريقة للعلاج هي الوقاية. زي مابيقولوا الوقاية خير من العلاج. الوقاية يعني نحاول نبعد عن الحاجات اللي بتعمل حساسية. والطريقة دي تنفع مع الحساسية اللي سببها العطور والبرفانات والمواد الكيماوية والمنظفات والبيروسول والدخان والاتربة. انما للاسف لما يكون سببها موسم معين زي فصل الربيع او الخريف وحبوب اللقاح منقدرش اوي نتجنبها.
طب بالنسبة للي مضطر يتعرض زي ست البيت اللى بتنظف البيت وتكنس وتطبخ، هيبقى الحل انها تلبس كمامة على الانف وده هيقلل التعرض قدر الامكان.
* ايه طرق العلاج الاخرى غير الوقاية؟
طبعا الادوية اللي بتعالج الحساسية منتشرة جدا زي اقراص الحساسية وبخاخات الحساسية وحقن الحساسية ودي بتتاخد عن طريق الدكتور، اللي بيحدد نوع الحساسية وشدتها ويقدر يكتب العلاج المناسب والمدة اللي هيتاخد فيها العلاج.
ملحوظة: مفيش ادوية هتاخدها هتضيع الحساسية نهائي و مترجعش تاني. زي ماقولنا ده مرض مزمن بيزيد ويقل ويظهر عند التعرض للشئ المسبب.
*طب يادكتور انا تعبت من العلاج والبخاخات وعايزة علاج نهائي تاني؟
في طريقة ممكن نخفف بيها الحساسية وهيه العلاج المناعي وامصال الحساسية. و دي في بعض الاحيان فعالة. ولكن محتاجة انتظام في اخذ الامصال اللي ممكن تستمر لأكثر من سنة. ومفعولها لا يظهر من اول مصل.
* بخاخة الانف دي يا دكتور فيها كورتيزن ومضرة وهاخد عليها ولا لأ؟
طبعا فيها كورتيزون ولكن استخدامها آمن ونسبة امتصاصها في الجسم كله لا يتعدى ١% ومفيهاش تعود ولكن اعراض الحساسية هترجع تاني عند التوقف عنها لأن زي ماقولنا المشكلة ان الحساسية مرض مزمن بالانف.
* يا دكتور انا باخد البخاخة ومبقتش بتجيب نتيجة؟
السبب طبعا هو سوء الاستخدام. عشان تجيب نتيجة لازم تتاخد بانتظام وبصورة يومية وبطريقة صحيحة. الناس اللي بتعتمد ان البخاخة تفتح الانف لما بتحس بكتمه، ده طبعا غلط ومبتفتحش الانف ساعتها للاسف. لازم تستخدم بانتظام عشان تفتح الانف وتحسن التنفس.
* يا دكتور انا بستخدمها بانتظام وبرده الانف مكتومة ومبعرفش اتنفس؟
ممكن يكون السبب ان حصل تضخم في غضاريف الانف ولا تستجيب للعلاج. طبعا ده بعد الكشف الطبي على الانف وعمل الاشعة المقطعية اللى بتوضح تضخم غضاريف الانف. و دي علاجها للاسف بيكون عملية لتصغير غضاريف الانف التي لا تستجيب للعلاج.
* فيه خطأ كبير شائع وهوه استخدام نقط الانف زي اوتروفين وافرين واوكسيمت ودلتارينو ونوستامين وبروزولين لتحسين التنفس وفتح الانف. دي نقط مزيلة للاحتقان وتستخدم في حالات معينة زي دور البرد ومدة علاجها لا تتجاوز ٥ ايام. استخدامها المفرط يضر الانف على المدى البعيد وبيكبر
غضاريف الانف
#التهابات_الجيوب_الانفية:
#sinusitis #sinus_infection
كتير من الناس عندها صداع في مقدمة الرأس والعين وتكشف رمد او باطنة او مخ واعصاب والدكتور يقولهم اكشف انف واذن دي جيوب انفية.
*يعني ايه الجيوب الانفية؟
الجيوب الانفية هيه ببساطة غرف تهوية موجوده في عظام الوجه والرأس حول الانف والعين وبتفتح بفتحات داخل مجرى الانف. في الطبيعي بيبقى جواها هواء .
*بيحصل جواها التهابات ازاي؟
عن طريق عدوى بكتيرية في الجو بيتنقل للانف ومنها للجيوب الانفية. ولكن بيبقى فيه عوامل مساعدة بتساعد على حدوث التهابات الجيوب الانفية. زي ضعف المناعة وشرب السجاير وعيوب داخل مجرى الانف زي اعوجاج الحاجز الانفي والحساسية.
* اعراض التهابات الجيوب الانفية ايه؟
اكتر شكوى هيه صداع او الم بعظام الوجه ومقدمة الرأس وبينزل على العين. الصداع بيزيد مع خفض الرأس على الارض زي وضع السجود اثناء الصلاة وبيحس المريض ان رأسه تقيله وبتتحرك من مكانها. الصداع ده بيلاقيه المريض اول ما يصحى من النوم ويزيد على الظهر ويقل على المساء. ممكن يكون معاه زغلله في العين.
من الشكاوى الاخرى: انسداد الانف ورشح وبلغم من الانف على سقف الحلق والبلعوم. البلغم بيكون لونه اخضر او اصفر. ممكن يكون فيه سخونيه ووجع في الجسم والمفاصل وده بسبب الصديد المتجمع جوه الجيوب الانفية. ممكن يكون فيه رائحه كريهه بالانف.
ايه انواع التهابات الجيوب الانفيه؟
في التهابات حادة و دي مدتها اقل من ٣ شهور ولو الاعراض لسه مستمرة اكتر من ٣ شهور بتبقى التهابات مزمنه. ممكن التهابات الجيوب الانفيه تبقى متكررة يعني تخف وترجع تاني في السنه مرتين تلاته. وده غالبا بيكون سببه وجود العوامل المساعدة اللي قولنا عليها زي التدخين واعوجاج الحاجز الانفى والحساسية.
*ازاي نقدر نشخصها ؟
طبعا عن طريق دكتور انف واذن متخصص بيكشف على الانف وبيشوف صديد داخل الانف نازل من فتحات الجيوب الانفية، مع باقى طرق الكشف. ممكن يتعمل اشعة مقطعية على الجيوب الانفية اللي بتوضح لو فيه صديد في الجيوب الانفية ولا لأ. والاشعة بتوضح برده لو فيه عوامل مساعده زي اعوجاج الحاجز الانفي او اللحمية او اشياء اخرى بتسد فتحات الجيوب الانفية.
*ايه علاج الجيوب الانفية؟
المريض بياخد مضاد حيوي ويفضل ١٠ ايام وده في حالة الالتهابات الحادة اللي بقالها اقل من ٣ شهور مع ادوية مذيب للبلغم وقطرة مزيلة للاحتقان لفتح فتحات الجيوب الانفيه والمساعدة على تنظيف الجيوب الانفية من الصديد. مع مسكن للالم والصداع.
وفي حالة الالتهابات المزمنه اللى استمرت اكتر من ٣ شهور ومخفتش بياخد مضاد حيوي ٣ اسابيع وبعديها بيعمل اشعة مقطعية على الجيوب الانفية. لو اشعة اظهرت ان الالتهابات لم تختفي ومازال هناك صديد بالجيوب الانفية بيحتاج ساعتها المريض لعمل عملية تنظيف للجيوب الانفية بالمنظار.
*في فرق بين التهابات الجيوب الانفيه والحساسية عشان ناس كتير بتخلط الاتنين ببعض. في البوست السابق اتكلمنا فيه عن الحساسية. ممكن يكون الشخص عنده حساسية وحصله في نفس الوقت التهابات صديدية بالجيوب الانفية. يعني ممكن
يحصلوا مع بعض.
#عملية_منظار_الجيوب_الانفية
كتير المرضى بيسمعوا من الدكتور انهم محتاجين عملية منظار جيوب انفية، يعني ايه عملية منظار جيوب انفية؟
*عملية منظار الجيوب الانفية هي عملية يتم عملها بواسطة المنظار الضوئي الخاص بالانف والجيوب الانفية. زي منظار البطن والحوض ومنظار الجهاز الهضمي ومنظار المرارة. و ده عبارة عن جهاز رفيع جدا بيدخل الانف والجيوب الانفية من خلال فتحات الانف الطبيعية ويتم عمل العملية من خلاله دون الحاجه لأي فتحات جراحية للانف او تغير شكل الانف الخارجي.
* ايه مميزاته و ليه تعتبر العملية بالمنظار ميزة عن اي طريقة تانيه؟
منظار الانف والجيوب الانفيه بيدخل الانف عن طريق فتحات الانف وينقل الصورة الداخلية على شاشة خارجية كبيرة. طبعا الصورة بتبقى كبيرة وبجوده عالية والرؤيا بالنسبة للجراح بتبقى افضل والعملية بتكون أدق ونسبة نجاح كبيرة دون حدوث مضاعفات.
* مين اللي محتاج عملية منظار جيوب انفية؟
المرضى اللي بيعانوا من التهابات مزمنه بالجيوب الانفية لا تستجيب للعلاج . والمرضى اللي بيعانوا من لحمية بالجيوب الانفية والتي وصلت لمرحلة كبيرة لا تستجيب للعلاج ايضا. المرضى اللي بيعانوا من تضخم بغضاريف الانف وانسداد بالتنفس ولا يستجيبوا لعلاج الحساسية زي بخاخة الانف. المرضى اللي بيعانوا من اورام بالانف او التهابات فطرية خطيرة بالجيوب الانفية.
*هل فعلا عملية منظار الجيوب الانفية تعتبر عملية لها فائدة والمريض فعلا بيرتاح بعد العملية؟
طبعا مش أي مريض جيوب انفية ينفع له العملية. لازم يتم تشخيص المريض جيدا وعمل الفحوصات اللازمة زي الكشف بالمنظار في العيادة اولا وعمل أشعة مقطعية على الجيوب الانفية وعمل التحاليل اللازمة.
* يا دكتور بنسمع كتير ان المريض عمل العملية ومستريحش او اللحمية رجعت تاني وانا خايف اعمل العملية؟
طبعا كل مريض له ظروفه الخاصة بيه وبتختلف من مريض لأخر وبتختلف حسب حالة المريض نفسها. وايه اللي حصل ساعة العملية. طبعا ومهارة الجراح في استخدام المنظار وهل المريض فعلا كان لازمه عملية منظار ولا لأ. والمتابعة بعد العملية وهل المريض مشي مظبوط على تعليمات الدكتور وأخد العلاج بعد العملية وانتظم عليه ولا لأ. بس المهم ان المرضى اللى محتاجين فعلا منظار جيوب انفية مبيستريحوش الا بالعملية ومهما اجلوا الموضوع في الاول بيضطروا يعملوا العملية في النهاية. بعد ماتكون الاعراض شديدة ولا تحتمل.
*هل عملية الجيوب الانفية خطر او ممكن تعمل مشكلة؟
زي ماقلنا طالما ان المريض فعلا محتاج العملية وبيتم عمل العملية بالمنظار في مركز طبي متخصص بالمناظير وعلى ايد جراح انف واذن متخصص بالمناظير فلا يوجد بإذن الله خطورة.
* هل عملية منظار الجيوب الانفية بتتعمل ببنج موضعي او نصفي ولا بنج كلي؟
بتتعمل في الاغلب ببنج كلي ويتم عمل التحاليل اللازمة قبل العملية للتأكد من عدم وجود اي مشكلة بالبنج الكلي.
*العملية وقتها قد إية وبعد العملية ايه اللي بيتم؟
تختلف وقت العملية على حسب ما يتم عمله في الانف والجيوب الانفية. هل يتم عمل حاجز انفي ولا غضاريف ولا تنظيف جيوب انفية ولا لحمية. او كذا حاجه مع بعض. في الغالب بتاخد من ١.٥ الى ٢ ساعة. بعدها المريض بيخرج للافاقة لمده ٣ ساعات وبعد الاطمئنان عليه يقدر يخرج من المستشفى الى البيت في نفس اليوم. بيكون فيه حشو داخل الانف وبيتنفس المريض عن طريق الفم حتى يتم ازالة الحشو بعد يومين من العملية. وممكن يكون هناك دعامة داخل الانف يتم ازالتها بعد ١٠ ايام من العملية. ويقدر المريض بعدها يمارس حياته الطبيعية ويخرج للشغل. ولكن هناك علاج لتنظيف الانف ومتابعات قد تستمر لشهر او اتنين مع الدكتور اللي عمله العملية
*إحجز مع الأستاذ الدكتور محمد ربيع خيري أفضل إستشاري أنف وأذن وحنجرة بالزقازيق الشرقية.
#دكتور_محمدربيع_خيري إستشاري ودكتوراة الانف والأذن والحنجرة ، كلية الطب البشري جامعة الزقازيق ، إستشاري جراحات تجميل الأنف ومناظير الجيوب الانفيه.
* يقوم الاستاذ الدكتور محمد ربيع خيري بإجراء عمليات مناظير الجيوب الانفية بأفضل المراكز والمستشفيات بالزقازيق وبأحدث الأجهزة والمناظير وأفضل أجهزة التعقيم لسلامة المرضى وإعطاء أفضل النتائج بأسعار مناسبة للجميع 🙂.
*العنوان: الزقازيق - ميدان الصاغة - برج الصاغة - أول الكوبري - أمام مصوغات وديع انطوان.
*مواعيد العمل: من السبت الى الخميس إسبوعيا ، من ٣ - ٦م ومن ٨ - ١٠ م
*سعر الكشف ٧٠ جنيه فقط 🙂 الاعادة والمتابعة مجانا . الكشف بالمناظير مجانا. هدفنا إعطاء خدمة مميزة للمرضى بسعر مناسب.
غضاريف الانف
#التهابات_الجيوب_الانفية:
#sinusitis #sinus_infection
كتير من الناس عندها صداع في مقدمة الرأس والعين وتكشف رمد او باطنة او مخ واعصاب والدكتور يقولهم اكشف انف واذن دي جيوب انفية.
*يعني ايه الجيوب الانفية؟
الجيوب الانفية هيه ببساطة غرف تهوية موجوده في عظام الوجه والرأس حول الانف والعين وبتفتح بفتحات داخل مجرى الانف. في الطبيعي بيبقى جواها هواء .
*بيحصل جواها التهابات ازاي؟
عن طريق عدوى بكتيرية في الجو بيتنقل للانف ومنها للجيوب الانفية. ولكن بيبقى فيه عوامل مساعدة بتساعد على حدوث التهابات الجيوب الانفية. زي ضعف المناعة وشرب السجاير وعيوب داخل مجرى الانف زي اعوجاج الحاجز الانفي والحساسية.
* اعراض التهابات الجيوب الانفية ايه؟
اكتر شكوى هيه صداع او الم بعظام الوجه ومقدمة الرأس وبينزل على العين. الصداع بيزيد مع خفض الرأس على الارض زي وضع السجود اثناء الصلاة وبيحس المريض ان رأسه تقيله وبتتحرك من مكانها. الصداع ده بيلاقيه المريض اول ما يصحى من النوم ويزيد على الظهر ويقل على المساء. ممكن يكون معاه زغلله في العين.
من الشكاوى الاخرى: انسداد الانف ورشح وبلغم من الانف على سقف الحلق والبلعوم. البلغم بيكون لونه اخضر او اصفر. ممكن يكون فيه سخونيه ووجع في الجسم والمفاصل وده بسبب الصديد المتجمع جوه الجيوب الانفية. ممكن يكون فيه رائحه كريهه بالانف.
ايه انواع التهابات الجيوب الانفيه؟
في التهابات حادة و دي مدتها اقل من ٣ شهور ولو الاعراض لسه مستمرة اكتر من ٣ شهور بتبقى التهابات مزمنه. ممكن التهابات الجيوب الانفيه تبقى متكررة يعني تخف وترجع تاني في السنه مرتين تلاته. وده غالبا بيكون سببه وجود العوامل المساعدة اللي قولنا عليها زي التدخين واعوجاج الحاجز الانفى والحساسية.
*ازاي نقدر نشخصها ؟
طبعا عن طريق دكتور انف واذن متخصص بيكشف على الانف وبيشوف صديد داخل الانف نازل من فتحات الجيوب الانفية، مع باقى طرق الكشف. ممكن يتعمل اشعة مقطعية على الجيوب الانفية اللي بتوضح لو فيه صديد في الجيوب الانفية ولا لأ. والاشعة بتوضح برده لو فيه عوامل مساعده زي اعوجاج الحاجز الانفي او اللحمية او اشياء اخرى بتسد فتحات الجيوب الانفية.
*ايه علاج الجيوب الانفية؟
المريض بياخد مضاد حيوي ويفضل ١٠ ايام وده في حالة الالتهابات الحادة اللي بقالها اقل من ٣ شهور مع ادوية مذيب للبلغم وقطرة مزيلة للاحتقان لفتح فتحات الجيوب الانفيه والمساعدة على تنظيف الجيوب الانفية من الصديد. مع مسكن للالم والصداع.
وفي حالة الالتهابات المزمنه اللى استمرت اكتر من ٣ شهور ومخفتش بياخد مضاد حيوي ٣ اسابيع وبعديها بيعمل اشعة مقطعية على الجيوب الانفية. لو اشعة اظهرت ان الالتهابات لم تختفي ومازال هناك صديد بالجيوب الانفية بيحتاج ساعتها المريض لعمل عملية تنظيف للجيوب الانفية بالمنظار.
*في فرق بين التهابات الجيوب الانفيه والحساسية عشان ناس كتير بتخلط الاتنين ببعض. في البوست السابق اتكلمنا فيه عن الحساسية. ممكن يكون الشخص عنده حساسية وحصله في نفس الوقت التهابات صديدية بالجيوب الانفية. يعني ممكن
يحصلوا مع بعض.
#عملية_منظار_الجيوب_الانفية
كتير المرضى بيسمعوا من الدكتور انهم محتاجين عملية منظار جيوب انفية، يعني ايه عملية منظار جيوب انفية؟
*عملية منظار الجيوب الانفية هي عملية يتم عملها بواسطة المنظار الضوئي الخاص بالانف والجيوب الانفية. زي منظار البطن والحوض ومنظار الجهاز الهضمي ومنظار المرارة. و ده عبارة عن جهاز رفيع جدا بيدخل الانف والجيوب الانفية من خلال فتحات الانف الطبيعية ويتم عمل العملية من خلاله دون الحاجه لأي فتحات جراحية للانف او تغير شكل الانف الخارجي.
* ايه مميزاته و ليه تعتبر العملية بالمنظار ميزة عن اي طريقة تانيه؟
منظار الانف والجيوب الانفيه بيدخل الانف عن طريق فتحات الانف وينقل الصورة الداخلية على شاشة خارجية كبيرة. طبعا الصورة بتبقى كبيرة وبجوده عالية والرؤيا بالنسبة للجراح بتبقى افضل والعملية بتكون أدق ونسبة نجاح كبيرة دون حدوث مضاعفات.
* مين اللي محتاج عملية منظار جيوب انفية؟
المرضى اللي بيعانوا من التهابات مزمنه بالجيوب الانفية لا تستجيب للعلاج . والمرضى اللي بيعانوا من لحمية بالجيوب الانفية والتي وصلت لمرحلة كبيرة لا تستجيب للعلاج ايضا. المرضى اللي بيعانوا من تضخم بغضاريف الانف وانسداد بالتنفس ولا يستجيبوا لعلاج الحساسية زي بخاخة الانف. المرضى اللي بيعانوا من اورام بالانف او التهابات فطرية خطيرة بالجيوب الانفية.
*هل فعلا عملية منظار الجيوب الانفية تعتبر عملية لها فائدة والمريض فعلا بيرتاح بعد العملية؟
طبعا مش أي مريض جيوب انفية ينفع له العملية. لازم يتم تشخيص المريض جيدا وعمل الفحوصات اللازمة زي الكشف بالمنظار في العيادة اولا وعمل أشعة مقطعية على الجيوب الانفية وعمل التحاليل اللازمة.
* يا دكتور بنسمع كتير ان المريض عمل العملية ومستريحش او اللحمية رجعت تاني وانا خايف اعمل العملية؟
طبعا كل مريض له ظروفه الخاصة بيه وبتختلف من مريض لأخر وبتختلف حسب حالة المريض نفسها. وايه اللي حصل ساعة العملية. طبعا ومهارة الجراح في استخدام المنظار وهل المريض فعلا كان لازمه عملية منظار ولا لأ. والمتابعة بعد العملية وهل المريض مشي مظبوط على تعليمات الدكتور وأخد العلاج بعد العملية وانتظم عليه ولا لأ. بس المهم ان المرضى اللى محتاجين فعلا منظار جيوب انفية مبيستريحوش الا بالعملية ومهما اجلوا الموضوع في الاول بيضطروا يعملوا العملية في النهاية. بعد ماتكون الاعراض شديدة ولا تحتمل.
*هل عملية الجيوب الانفية خطر او ممكن تعمل مشكلة؟
زي ماقلنا طالما ان المريض فعلا محتاج العملية وبيتم عمل العملية بالمنظار في مركز طبي متخصص بالمناظير وعلى ايد جراح انف واذن متخصص بالمناظير فلا يوجد بإذن الله خطورة.
* هل عملية منظار الجيوب الانفية بتتعمل ببنج موضعي او نصفي ولا بنج كلي؟
بتتعمل في الاغلب ببنج كلي ويتم عمل التحاليل اللازمة قبل العملية للتأكد من عدم وجود اي مشكلة بالبنج الكلي.
*العملية وقتها قد إية وبعد العملية ايه اللي بيتم؟
تختلف وقت العملية على حسب ما يتم عمله في الانف والجيوب الانفية. هل يتم عمل حاجز انفي ولا غضاريف ولا تنظيف جيوب انفية ولا لحمية. او كذا حاجه مع بعض. في الغالب بتاخد من ١.٥ الى ٢ ساعة. بعدها المريض بيخرج للافاقة لمده ٣ ساعات وبعد الاطمئنان عليه يقدر يخرج من المستشفى الى البيت في نفس اليوم. بيكون فيه حشو داخل الانف وبيتنفس المريض عن طريق الفم حتى يتم ازالة الحشو بعد يومين من العملية. وممكن يكون هناك دعامة داخل الانف يتم ازالتها بعد ١٠ ايام من العملية. ويقدر المريض بعدها يمارس حياته الطبيعية ويخرج للشغل. ولكن هناك علاج لتنظيف الانف ومتابعات قد تستمر لشهر او اتنين مع الدكتور اللي عمله العملية
*إحجز مع الأستاذ الدكتور محمد ربيع خيري أفضل إستشاري أنف وأذن وحنجرة بالزقازيق الشرقية.
#دكتور_محمدربيع_خيري إستشاري ودكتوراة الانف والأذن والحنجرة ، كلية الطب البشري جامعة الزقازيق ، إستشاري جراحات تجميل الأنف ومناظير الجيوب الانفيه.
* يقوم الاستاذ الدكتور محمد ربيع خيري بإجراء عمليات مناظير الجيوب الانفية بأفضل المراكز والمستشفيات بالزقازيق وبأحدث الأجهزة والمناظير وأفضل أجهزة التعقيم لسلامة المرضى وإعطاء أفضل النتائج بأسعار مناسبة للجميع 🙂.
*العنوان: الزقازيق - ميدان الصاغة - برج الصاغة - أول الكوبري - أمام مصوغات وديع انطوان.
*مواعيد العمل: من السبت الى الخميس إسبوعيا ، من ٣ - ٦م ومن ٨ - ١٠ م
*سعر الكشف ٧٠ جنيه فقط 🙂 الاعادة والمتابعة مجانا . الكشف بالمناظير مجانا. هدفنا إعطاء خدمة مميزة للمرضى بسعر مناسب.
تعليقات
إرسال تعليق
أكتب تعليقك او استفساراتك وسيتم الرد من قبل استشارى متخصص في جراحات وامراض الانف والاذن والحنجرة وتجميل الانف والوجه