اعوجاج الحاجز الانفي وتضخم غضاريف ‏الانف

#تجميل_الانف:

#Rhinoplasty #nose_job

*يعني ايه عمليات وجراحات تجميل الانف؟

عملية تجميل الانف هي عملية لإصلاح ابعاد وحجم وشكل الانف الخارجي. أبعاد الانف ممكن تكون غير طبيعيه زي الانف الطويله او الانف العريضة. ممكن يكون حجم الانف كبير جدا بالنسبة للوجه. ممكن يكون شكل الانف غير مظبوط وده بنلاقيه في الحالات اللى تعرضت لحادثة او خبطه زي الانف المعووج او مطبق او وجود بروز خارجي في عظمة الانف. وممكن يكون الشكل مش مظبوط من ساعة الولادة والطفل صغير.

الحالات دي كلها هنشرحها بالتفصيل ان شاء الله.

* مين الدكتور اللى بيعمل عملية تجميل الانف؟

عمليات تجميل الانف بيقدر يشتغلها دكتور الانف والاذن المتخصص في جراحات تجميل الانف أو دكتور جراحة عامة المتخصص برده في جراحات تجميل الانف والوجه. يعني فيه دكاترة انف واذن غير متخصصين في تجميل الانف وفيه دكاترة تجميل غير متخصصين في تجميل الانف. طبعا ان دكتور متخصص في العمليات دي بيكون نتائج العملية افضل من دكتور غير متخصص.

* طب مين الاحسن دكتور الانف والاذن المتخصص ولا دكتور الجراحة المتخصص في تجميل الانف؟

طبعا دكتور الانف والاذن المتخصص في تجميل الانف افضل بكتير من دكتور جراحة عامة تخصص تجميل.

*ايه السبب؟ 

السبب ان الانف له وظيفة اخرى غير الشكل وهي التنفس. وإن معظم حالات تجميل الانف تحتاج للحفاظ على مجرى الانف الداخلي وتظبيط الحاجز الانفي من الداخل وتظبيط صمام الانف. وقد يكون هناك لحمية او غضاريف انف متضخمة او اعوجاج في الحاجز الانفي. لذلك دكتور الانف والاذن المتخصص هيقدر يعملك تجميل انف وهيحافظ على التنفس سليم بعد العملية. عن طريق انه هيعملك استعدال الحاجز الانفي ولو فيه غضاريف انف او لحميه هيعملهالك في نفس العملية وهيحافظ على صمام الانف سليم وتقدر تتنفس كويس بعد العملية. 

* يعني عملية تجميل الانف تتكون من جزئين مهمين جدا وهما الاصلاح الخارجي لشكل الانف واصلاح داخلي لمجرى الانف والتنفس و ده دكتور الانف والاذن المتخصص في التجميل بيقدر يعمله افضل من أي حد تاني.

* هل المريض اللى عنده الحاجز الانفي معووج من الداخل وعنده كمان الانف معووج من الخارج يقدر يعمل الاتنين مع بعض في نفس العملية؟ 

اه طبعا ينفع يعمل الاتنين مع بعض في نفس العملية وده الافضل. لأن الاجزاء المعووجه من الحاجز الانف يتم استخدامها في عملية تجميل الانف الخارجية في نفس العملية. والمريض اللى عمل قبل كده عملية استعدال حاجز انفي وعايز يعمل عملية تجميل انف بعدها، بيحتاج ياخد رقعة من مكان اخر زي الأذن والضلوع. 

* أيه السن اللى ممكن نعمل من بعديه عملية تجميل الانف؟

السن المسموح لعملية تجميل الانف بيكون بعد ١٥ سنة في البنات وبعد ١٦ سنة في الاولاد. قبل السن ده ممكن يتعمل العملية في أضيق الحدود ولأسباب معينه هنعرفها بعد كده. وهل في سن معين مينفعش نعمل من بعديه عملية تجميل الانف؟ لأ طبعا مفيش. يعني الثلاثينات والاربعينات والخمسينات ممكن يعملوا عادي العملية.

* عملية تجميل الانف بتكون تخدير كلي ولا نصفي ولا موضعي؟ 

في الاغلب بتكون تخدير كلي. ممكن تتعمل بتخدير موضعي في حالات معينة وبسيطة بعد تقييم الدكتور والاستشارة مع المريض. وفيه كمان الجديد دلوقتي وهوه تجميل الانف بدون جراحة او عملية. ودي طرق تجميل الانف عن طريق الحقن والفيلارز ودي اجراءات بسيطة تتم في العيادة بدون ألم او تخدير وبتكلفة اقل بكتير. ولكنها لا تصلح الا لحالات معينة. او الاشخاص اللي عندهم ديفوهات بسيطة ومش عايزين يعملوا عملية.

* عملية تجميل الانف بتاخد وقت قد إيه؟ 

طبعا على حسب العملية والمطلوب عمله للانف وإن كان هناك استعدال للحاجز الانفي او لأ. وهل هناك غضاريف انف او لأ. و ده كله بيزود وقت العملية والتكلفة.

*لسه فيه كلام كتير عن تفاصيل العملية. وأشكال الانف المختلفة والمتابعة بعد العملية. وتجميل الانف بدون جراحة عن طريق الحقن والفيلارز والمضاعفات بعد العملية. 

*إحجز مع الأستاذ الدكتور محمد ربيع خيري أفضل إستشاري أنف وأذن وحنجرة بالزقازيق الشرقية.

#دكتور_محمدربيع_خيري إستشاري ودكتوراة الانف والأذن والحنجرة ، كلية الطب البشري جامعة الزقازيق ، إستشاري جراحات تجميل الأنف ومناظير الجيوب الانفيه.

* يقوم الاستاذ الدكتور محمد ربيع خيري بإجراء عمليات تجميل الانف بأفضل المراكز والمستشفيات بالزقازيق وبأحدث الأجهزة والألآت وأفضل أجهزة التعقيم لسلامة المرضى وإعطاء أفضل النتائج بأسعار مناسبة للجميع 🙂.

*العنوان: الزقازيق - ميدان الصاغة - برج الصاغة - أول الكوبري - أمام مصوغات وديع انطوان.

*مواعيد العمل: من السبت الى الخميس إسبوعيا ، 

من ٣ - ٥ م ومن ٨ - ١٠ م 

#تجميل_الانف

#الانف_المعووج:

#deviated_nose #crooked_nose

*اعوجاج الانف من الخارج يعتبر شكل من الاشكال الغير طبيعية للانف والتي تحتاج لعملية تجميل للانف الخارجي.

*اعوجاج الانف من الخارج بيكون معاه من داخل الانف اعوجاج في الحاجز الانفي. بيكون تنفس المريض صعب جدا سواء من فتحتين الانف او فتحة واحدة.

* السبب بيكون غالبا حادثة او خبطة على الانف حديثة او قديمة او من ساعة الولادة والطفل مولود بيها.

* طبعا المنظر الخارجي للانف بيكون معووج على الناحية اليمين او الشمال وممكن يكون الانف كلها معووجه او جزء منها سواء الجزء الاعلى من الانف او مقدمة الانف هي اللي معووجة بس. 

* المنظر الامامي للانف بيبقى غير طبيعي والشخص بيحس ساعتها ان شكل الأنف مش مظبوط خاصة لما يركز في وشه امام المرايا او لما يتصور. 

* شكل الانف ساعات بيسبب مشاكل نفسية للمريض ان شكله مش كويس وغير مرغوب وبيقلل ثقته في نفسه و خاصة في موضوع الارتباط. وإن شكل مناخيره هي السبب في أي فشل تعرض ليه. ويفضل المريض حاطط الموضوع في دماغه ودايما بيفكر فيه.

* كتير من المرضى وخاصة البنات اللى عندهم الانف معووجه وشكلها وحش بيكشفوا وعايزين يعملوا تصليح لشكل الانف الخارجي وبيكون السبب دايما انهم بيحسوا بإحراج ومش عاريفين يتصوروا وبيطلع شكلهم وحش في الصور زي السيلفي او لما يتصوروا مع صحباتهم وزمايلهم.

* طبعا عملية تجميل الانف لحالات الانف المعووجة مطلوبة مش بس عشان الشكل الخارجي ولكن عشان تصليح الحاجز الانفي المعووج واللي مسبب صعوبة في التنفس. يعني المريض اللى أنفه معووجه بيعمل العملية ليس فقط عشان الشكل ولكن عشان يحسن التنفس. 

* طبعا لابد من الكشف الطبي اولا وفحص الانف من الداخل والخارج. الدكتور بيشرح للمريض تفاصيل العملية والشكل الخارجي هيكون عامل ازاي وممكن يشوف صور مماثله لحالته. ممكن يكون في اعوجاج بالانف وفي نفس الوقت المريض عايز يصغر مقدمة الانف او يصغر العظمة شوية، وده طبعا ممكن يتعمل في نفس العملية. و ده بنلاقيه اكتر في البنات عن الولاد. او ان المريض بيطلب فقط تعديل الانف المعووجه ومش عايز اي تغيير تاني في الشكل. طبعا اللى بيتعمل بيكون رغبة المريض على حسب هوه عايز ايه.

*الفحوصات المطلوبة عبارة عن أشعة مقطعية الانف وتحاليل دم ماقبل العملية.

* بنقابل مرضى كتير كانت الانف اتعوجت بسبب خبطه والدكتور ردها في ساعتها ولكن المريض شايف انها مازالت معووجه. عملية رد الكسر الخارجي للانف ساعات لا تكون مظبوطة وبيظل فيه نسبة اعوجاج. و في الحالة دي بيحتاج يعمل عملية تجميل لرد الكسر وتظبيط شكل الانف بدقة واصلاح الحاجز الانفي المعووج من الداخل.

* زي ماقولنا قبل كده الدكتور الافضل لعمل العملية هوه دكتور انف واذن متخصص تجميل انف عشان هيقدر يعمل تجميل للانف من الخارج واصلاح للحاجز الانفي من الداخل وتظبيط التنفس. 

*هنتكلم بعد كده عن الاشكال الاخرى للانف اللي محتاجه تجميل وما بعد العملية والمضاعفات والمتابعة بعد العملية.

*إحجز مع الأستاذ الدكتور محمد ربيع خيري أفضل إستشاري أنف وأذن وحنجرة بالزقازيق الشرقية.

#دكتور_محمدربيع_خيري إستشاري ودكتوراة الانف والأذن والحنجرة ، كلية الطب البشري جامعة الزقازيق ، إستشاري جراحات تجميل الأنف ومناظير الجيوب الانفيه.

* يقوم الاستاذ الدكتور محمد ربيع خيري بإجراء عمليات تجميل الانف بأفضل المراكز والمستشفيات بالزقازيق وبأحدث الأجهزة والألآت وأفضل أجهزة التعقيم لسلامة المرضى وإعطاء أفضل النتائج بأسعار مناسبة للجميع 🙂.

*العنوان: الزقازيق - ميدان الصاغة - برج الصاغة - أول الكوبري - أمام مصوغات وديع انطوان.

*مواعيد العمل: من السبت الى الخميس إسبوعيا ، من ٣ - ٦م ومن ٨ - ١٠ م .

#جراحات_تجميل_الأنف:

#تصغير_مقدمة_الانف:

#rhinoplasty_big_nose

#tip_definition_bulbous_tip

* من الجراحات الشائعة عمليات تصغير حجم الانف. كتير من الناس عندهم حجم الانف كبير نسبيا بالنسبة للوجه، وشايفين ان حجم الانف محتاج يصغر شوية عشان يتناسب مع الوجه وشكلهم يبقى افضل.

* المفروض نعرف الاول ايه الحجم الطبيعي للانف والمتناسب مع الوجه وهل فعلا الانف كبيرة ومحتاجة تصغير.

*الحجم الطبيعي للانف: اولا بالنسبة للطول ، طول الانف من فوق لتحت المفروض يساوي ثلث طول الوجه. يعني لو قسمنا الوجه الى ٣ اجزاء من اول بداية الشعر فوق الى اخر الوجه تحت عند اخر نقطة في الذقن ، المفروض ان الانف طولها يساوي ثلث المسافة. لو طول الانف اكبر من الثلث يبقى معناه ان الأنف طويلة بالنسبة للوجه.

*ثانيا بالنسبة للعرض ( من اليمين لليسار) لو قسمنا عرض الوجه من بداية الاذن اليسار الى الاذن اليمين الى ٥ اجزاء ، المفروض والطبيعي ان عرض الانف يمثل خمس(١/٥) عرض الوجه. او ان عرض الانف لا يتجاوز عرض العين الواحده. لو عرض الانف اكبر من الخمس معناه ان الانف عريضة مقارنة بعرض الوجه.

* طبعا المريض اثناء الكشف الطبي يتم حساب العرض والطول للانف والمقارنة مع الوجه لمعرفة اذا كانت الانف عريضة او طويلة ام لا. وبناء على الحسابات يتم معرفة ما سيتم عمله في العملية ومقدار التصغير حتى يتناسب مع الوجه.

* في حدود للتصغير ولا يتم عمل تصغير بشكل كبير اكثر من اللازم. يعني لا نصغر طول الانف لتكون اقل من ثلث طول الوجه او العرض ليكون اقل من خمس عرض الوجه، لان ذلك قد يؤدي الى نتيجة عكسية ولن يتناسب مع شكل الوجه.

* بنقول الكلام ده ليه، لان في مرضي كتير يبقى عايز يصغر الانف خالص وده طبعا غلط. في حدود معينة للتصغير وحتى لا يؤثر على قوام الانف والتنفس على المدى البعيد ولا يحدث تشوهات بعد ذلك.

* العملية تتم تحت مخدر كلى ومدتها على حسب ما سيتم عمله وهل هناك حاجز انفي معووج ولا لأ. العملية بتتم بالات التجميل الدقيقة ولها فتح تجميلي صغير بيختفي بعد اسبوعان بدون أي اثار. 

* بيكون فيه دعامة انف خارجية وبلاستر على الانف لمدة اسبوعان.

* العملية أمنه جدا طالما بيتم عمل القياسات اللازمة وعمل المسموح بيه اثناء العملية. ولا يوجد الم اثناء او بعد الجراحة. 

* في طرق تجميل للانف عن طريق الحقن والفيلارز وللاسف الطرق دي متنفعش مع المرضى اللي عايزين يصغروا الانف. يعني التصغير يحتاج لجراحة.

* بعض المرضى عندهم فتحات الانف كبيرة وعايزين يصغروها ودي طبعا عملية بسيطة ولكن زي ماقولنا يتم التصغير في الحدود المسموح بيها للحفاظ على مجرى التنفس. بس طبعا بتبقى افضل من الاول.

*إحجز مع الأستاذ الدكتور محمد ربيع خيري أفضل إستشاري أنف وأذن وحنجرة بالزقازيق الشرقية.

#دكتور_محمدربيع_خيري إستشاري ودكتوراة الانف والأذن والحنجرة ، كلية الطب البشري جامعة الزقازيق ، إستشاري جراحات تجميل الأنف ومناظير الجيوب الانفيه.

* يقوم الاستاذ الدكتور محمد ربيع خيري بإجراء عمليات تجميل الانف والاذن بأفضل المراكز والمستشفيات بالزقازيق وبأحدث الأجهزة والألآت وأفضل أجهزة التعقيم لسلامة المرضى وإعطاء أفضل النتائج بأسعار مناسبة للجميع .

*العنوان: الزقازيق - ميدان الصاغة - برج الصاغة - أول الكوبري - أمام مصوغات وديع انطوان.

*مواعيد العمل: من السبت الى الخميس إسبوعيا ، من ٣ - ٦ م ومن ٨ - ١٠ م