#تجميل_الأنف
🔸️إصلاح الإعوجاج الداخلى والخارجي والبروز العظمي والحفاظ على هوية الشخص🔸️
✅ أحد المشكلات التي قد تحدث بعد عملية تجميل الأنف هو فقدان هوية الشخص ( loss of personal identity ). بمعني ان المريض شكله يتغير بعد العملية ويحس إنه فقد هويته ومبقاش نفس الشخص قبل العملية.
✅ ممكن يكون المريض واخد باله من النقطة دي قبل العملية ويطلب من الدكتور انه يصلح الاشياء البسيطة اللى مضايقاه في شكل الأنف ويحافظ على شكله بدون إحداث تغيير كبير يؤثر على شكله المتعارف عليه من نفسه ومن الناس اللى تعرفه. وكتير من المرضى بيكونوا متأكدين هم عايزين ايه، وبيكون كلامهم ( انا عاجبني شكلى ولكن البروز الصغير ده مضايقني عايز أشيله بدون تغيير تانى واحافظ على نفس شكلى ) .
✅ وللأسف بعض المرضى غير متأكدين من اللى عايزينه في العملية وبيكون كلامه ( إعمل يا دكتور اللى حضرتك شايفه ) و ده غلط طبعا، لازم يكون المريض محدد هو عايز إيه في العملية. ولو الدكتور للاسف مخدش باله من النقطة دي وأحدث تغيير كبير مكنش المريض عايزه أو مكنش مدرك للنتيجه ، ممكن تحصل المشكلة دي ( فقدان الهوية ).
✅ مشكلة فقدان الهوية بتحدث أكثر في الرجال وخاصة لو تحول الشكل بعد العملية لشكل أُنثوي أكثر. زي أن المريض لديه بروز في العظمة الخارجي ، والجراح قام بإزالة البروز وقام بخفض مستوى العظمة بشكل كبير ولم يحافظ على مستوى للعظمة مناسب لشكل الرجل. وقتها المريض ممكن يحس ان شكله اتغير ومبقاش نفس الشخص قبل العملية وفقد شكله الرجولي.
✅ الاستشارة بين الدكتور والمريض وتوضيح وتحديد ما سيتم عمله في العملية مهم جدا للوصول الى نتيجة مرضية وتجنب مشكلات قد تحدث مثل تغيير للشكل غير مرغوب فيه وفقدان الهوية.
✅ حالة اليوم لمريض به اعوجاج وتضخم وبروز في عظمة الأنف الخارجية واعوجاج داخلى بالحاجز الأنفي وصعوبة بالتنفس. وتم ازالة البروز والحفاظ على علو مناسب لعظمة الأنف من المنظر الجانبي وتنسيق شكل الأنف والحفاظ على الهوية والشكل الطبيعي المناسب للوجه.
#Rhinoplasty, hump reduction, broad projected nasal tip : for tip deprojection, refinement, support and rotation.
-------------------------------------------------
🚩 دكتور/ محمد ربيع خيري 🚩
**دكتوراة وإستشاري جراحات الأنف والأذن. كلية الطب البشري جامعة الزقازيق**
------------------------------------------------
✅ العنوان: الزقازيق - ميدان الصاغة - برج الصاغة - أول الكوبري العلوي - أعلى صيدلية العوضي - امام مصوغات وديع انطوان.
📲 تليفون الاستعلام : 01066214496
تعليقات
إرسال تعليق
أكتب تعليقك او استفساراتك وسيتم الرد من قبل استشارى متخصص في جراحات وامراض الانف والاذن والحنجرة وتجميل الانف والوجه