Tonsils and adenoid
اللوز واللحمية عند الاطفال والكبار
كل ما تريد معرفته عن التهابات اللوز واللحمية وعمليات استئصال اللوز واللحمية والموضوع مقسم لعدة اجزاء
#اللحمية :
#adenoid
*يعني ايه اللحمية ومكانها فين؟
اللحمية هي جزء من الجهاز المناعي للجسم زيها زي اللوز وموجوده جنب اللوز ورا سقف الحلق وفي آخر مجرى الانف بس مبتبقاش باينه ان حد يقدر يشوفها الا طبعا الدكاترة المتخصصين. ساعات كمان بتبقى كبيرة وباينة من تحت سقف الحلق وده قليل لما بنشوفه.
#تضخم_اللحمية:
تضخم اللحمية معناه ان اللحمية كبرت عن حجمها الطبيعي وبدأت تعمل مشاكل زي صعوبة التنفس والتهابات متكررة ورشح مستمر من الانف والتهابات متكررة بالاذن الوسطى وارتشاح مياه خلف طبلة الاذن وضعف السمع ومشاكل تانيه كتيرة.
*طب ايه السن اللي بيحصل فيه تضخم اللحمية؟
اللحمية غالبا بتحصل في الاطفال من سن ٣ الى ١٠ سنوات بعد كده بتبدأ تصغر في الحجم وتختفي. طبعا في استثناءات يعني ممكن تلاقي اللحمية في سن اصغر من ٣ سنين او اكبر من ١٠ سنين وده طبعا نسبته قليله.
* طب انا اقدر اعرف ازاي ان طفلي عنده لحمية كبيرة مسبباله مشاكل؟
الكلام ده طبعا مهم لكل اب وام يخلوا بالهم من الاعراض دي اللي ممكن تظهر كلها او بعض منها وهيه:
١-صعوبة بالتنفس اثناء النوم او والطفل صاحي.
٢ - على طول الطفل فاتح فمه وهوه نايم.
٣-ممكن الأم تلاحظ صوت خنفرة او شخير اثناء النوم.
٤- فيه رياله كتير بتنزل من فم الطفل وهوه نايم ورائحة الفم وحشة.
٥- ممكن في بعض الاحيان نفس الطفل يتكتم وهوه نايم والطفل يتفزع من النوم ويرجع ياخد نفسه ودي مرحلة متأخرة من صعوبة التنفس اثناء النوم.
٦- ممكن يكون فيه تبول لا ايرادي واحلام مزعجة وهلوسة وده سببه قلة الاكسجين اللى بيوصل للطفل اثناء النوم.
٧- رشح مستمر من الانف مبينقطعش صيف وشتى.
٨- بلغم على طول في فم الطفل وكحه مستمرة.
٩- لو الموضوع طول شوية تبدأ تظهر اعراض على وجه الطفل زي ان سنان الطفل تكون طالعة لبرة ومش مظبوطة ووجه الطفل شاحب وتسوس بالاسنان وده سببه ان على طول فم الطفل مفتوح.
١٠- ضعف بالسمع وقلة التركيز وده بنلاحظه لما الام بتنادي طفلها ومبيردش عليها في اغلب الاحيان.
*طب نشخص تضخم اللحمية ازاى؟
اول حاجة طبعا الكشف الطبي على الطفل من دكتور انف واذن متخصص وطبعا بينطلب اشعة على مكان اللحمية لو الدكتور عايز يتأكد ويعرف حجمها بالظبط او في سبب آخر لصعوبة التنفس.
* هل فيه اسباب اخرى لصعوبة التنفس عند الاطفال غير اللحمية؟
طبعا في اسباب تانيه كتير زي حساسية الانف المزمنه والتهابات الجيوب الانفية ولحمية الانف والجيوب الانفيه وتضخم اللوز. وده الدكتور هوه اللي يقدر يفرق بينهم سواء بالكشف او طلب فحوصات زي الاشعة.
* طب ايه علاج تضخم اللحمية؟
مفيش غير علاج واحد وهوه استئصال اللحمية سواء لوحدها او مع استئصال اللوزتين لو كانت اللوز محتاجه تتشال تابعونا
#الدكتور_محمدربيع_خيري إستشاري الانف والاذن والحنجرة ومناظير الجيوب الانفيه #جراحات_تجميل_الانف_والاذن
*العنوان: الزقازيق - ميدان الصاغة - برج الصاغة- أول الكوبري- امام مصوغات وديع انطوان.
*تليفون الحجز والاستعلام: ٠١٠٦٦٢١٤٤٩٦
*مواعيد العمل بالمركز: من السبت للخميس من ٣ الى ٥ م ومن ٨ الى ١٠ م
* سعر الكشف ١٠٠ جنيه، المتابعة والاستشارة مجانا. غسيل الاذن مجانا. الكشف بالمناظير مجانا.
#عملية_استئصال_اللحمية:
#adenoid #adenoidectomy
*الاسئلة الشائعة للمرضى عن العملية
*الاب والام دايما بيسألوا هل ابنهم عنده لحمية ومحتاجه تتعمل ولا لأ ؟
طبعا بنعرف عنده لحمية عن طريق الكشف ولو مش واضحة بنطلب اشعة بتوضحها. طب محتاجه تتعمل؟ لو كبيرة وعاملة مشاكل في النفس او البلع او الاذن الوسطى او رشح مستمر من الانف هتحتاج تتعمل.
* السؤال التاني: طب اللحمية دي مبترجعش تاني اصل احنا سمعنا ناس عملتها ورجعت تاني ؟
طبعا ممكن ترجع تاني بس دي نسبتها قليلة يعني من ١-١٠ في المائة وبيكون سببها ان الطفل عنده حساسية انف وقابلية لتكوين اللحمية مرة اخرى.
* طريقة عملية استئصال اللحمية ازاي؟
بتتعمل عن طريق كحاته اللحمية ودي آله جراحية هي اللي بتستئصلها. مفيش ليزر في العملية دي. ممكن لو اللحمية رجعت تاني وممتدة داخل الانف تتعمل ساعتها عن طريق المنظار ودي الطريقة الافضل لو اللحمية مرتجعة ( يعني اتعملت قبل كده ورجعت تاني ) بس العملية بالمنظار مكلفة واغلى من عمل اللحمية بالكحاته.
* طب يا دكتور فيه واحد جارنا عمل اللحمية ونفسه لسه مش كويس او لسه بيرشح من الانف، ايه السبب؟
فيه اسباب كتيرة من ضمنها ان اللحمية لم يتم استئصالها كاملة او انها اتعملت كويس بس رجعت تاني وده بيحصل بعد شهور من العملية مش من تاني يوم بعد العملية. او ان الطفل عنده حساسية انف وهيه اللي مسببه صعوبة النفس والرشح وده علاجه ادوية حساسية.
*طب اللحمية مادام ممكن ترجع تاني يبقى ده معناه منعملش العملية ؟
لأ طبعا لان كده هتسيب الطفل باللحمية تعمله مشاكل على افتراض انها ممكن ترجع او لأ.
* طب هنعمل اللحمية لوحدها ولا نعمل معاها اللوز بالمرة ؟
طبعا بعد الكشف الطبي الدكتور بيحدد محتاج يعمل اللوز ولا لأ. لو هيحتاج يعمل اللوز يبقى الاتنين مع بعض في نفس العملية.
* طب لو اللحمية عاملة ترشيح مياه في الاذن الوسطى وفيه ضعف بالسمع ولا يستجيب للعلاج؟
الطفل ساعتها هيحتاج يعمل اللحمية ويعمل معاها انابيب تهوية للاذن ودي عملية بسيطة غير ما معظم الناس معتقده.
* الطفل دلوقتي عنده رشح او سخونيه وعايزين نعمله اللوز واللحمية بس مستعجلين؟
طبعا المفروض الطفل ياخد علاج الاول وميكنش فيه التهابات او رشح او سخونية او كحه لأن ده هيزود المضاعفات اثناء العملية او بعدها.
* العملية بتتعمل فين وتاخد وقت اد ايه ؟
العملية بتتعمل في مركز متخصص او مستشفى ولا ينصح بعملها في عيادة لتجنب حدوث مشاكل ولضعف التجهيزات بالعيادة. مدة العملية نصف ساعة والطفل بيخرج بعد العملية بثلاث ساعات بعد مايكون فاق وتم الاطمئنان عليه.
*هل سن الطفل يسمح للعملية؟
نفس الكلام اللى قولناه قبل كده عن استئصال اللوز ينطبق على اللحمية. وهوه ان الطفل يكمل ٣ سنوات او إن وزن الطفل يكمل ١٥ كيلو ولا يوجد انيميا شديده عند الطفل. ممكن سن اصغر من كده يتعمله العملية وده في حالة الاختناق وتوقف النفس اثناء النوم.
*يتم الخلط احيانا بين لحمية اللوز ولحمية الانف والجيوب الانفية او غضاريف الانف والفرق بينهم هنعرفه ان شاء الله
#دكتور_محمدربيع_خيري دكتوراه وإستشاري الانف والاذن والحنجرة بكلية الطب البشري جامعة الزقازيق. جراحات اللوز واللحمية ومناظير الجيوب الانفية وجراحات تجميل الانف والاذن.
* يقوم الاستاذ الدكتور محمد ربيع خيري بإجراء عمليات استئصال اللوز واللحمية بأفضل المركز والمستشفيات بالزقازيق وبأحدث الاجهزة والالات وأفضل أجهزة التعقيم لسلامة المرضى وإعطاء افضل النتائج بأسعار مناسبة للجميع 🙂.
*العنوان: الزقازيق - ميدان الصاغة - برج الصاغة- أول الكوبري- أمام مصوغات وديع انطوان.
* المواعيد: من السبت الى الخميس اسبوعيا من ٣ الى ٥ م ومن ٨ الى ١٠ م
* تليفون الحجز والاستعلام : ٠١٠٦٦٢١٤٤٩٦ / ٠١١٤٠٧٨٢٧٨٨
* سعر الكشف ١٠٠ جنيه فقط 🙂 الاعادة والمتابعة والاستشارة مجانا. غسيل الأذن مجانا. الكشف بالمناظير مجانا.
*التهابات اللوز ( TONSILLITIS):
كل واحد مننا عنده لوزتين موجودين على جانبي الحلق وتعتبر جزء من الغدد الليمفاوية المسئولة عن افراز الاجسام المضادة ضد الميكروبات ومناعة الجسم.
* التهابات اللوز بتيجي من ايه؟
غالبا التهابات اللوز بيكون سببها عدوي من بكتيريا او فيروس يتنقل عن طريق الهواء من شخص مصاب وتبدأ البكتيريا والفيروس بالانتشار على اللوزتين وعمل التهابات شديدة.
* التهابات اللوز بتبقى اكتر في الاطفال وخاصة الاطفال الموجودين في اماكن مزدحمة ومغلقة زي الحضانة والمدرسة او الاخوات اللى عايشين مع بعض في نفس البيت.
* ايه هي أعراض التهابات اللوز؟
سخونية وتعب في الجسم والمفاصل ووجع في الزور اثناء البلع وممكن يكون معاه دور برد ورشح في نفس الوقت ووجع في الأذن وممكن يكون معاه وجع في المعدة وترجيع.
* طب ونعرف إزاي إن دي التهابات في اللوز ولا التهابات عادية في الحلق أو دور برد عادي؟
ده للاسف متقدرش تعرفه لوحدك، هتحتاج تكشف والدكتور لما يفتح الفم هيشوف اللوز نفسها هي الملتهبة ووارمة وممكن يلاقي عليها بقع بيضة وده غالبا بيبقى صديد. (زي الصورة بالظبط الموجودة في المنشور)
* طب نعالجها ازاي؟
طبعا لازم الدكتور الاول يشخص ان دي اللوز هي اللي ملتهبة وساعتها هيكتب علاج على حسب درجة الالتهاب.
لو مجرد التهابات بسيطة او متوسطة هيديك أدوية شرب عبارة عن مضاد حيوي مناسب ومضاد للالتهابات وخافض للحرارة ومسكن للوجع ولو فيه ترجيع هيكتبلك حاجة للترجيع.
طب لو الالتهابات شديدة وعامله صديد لازم العلاج يبقى حقن في اول يومين عشان يجيب نتيجه افضل ولازم نكمل بعديه بأدوية شرب لمده اسبوع.
* من الاخطاء الشائعة عند كتير من الناس انهم بيروحوا الصيدليه وياخد خافض للحرارة فقط من غير مايكشف. طبعا ده هتلاقى التهابات اللوز بعد يومين مخفتش وعملت صديد والالتهابات زادت اكتر.
او ياخد حقنه او اتنين بس من غير مايكمل علاج اسبوع وده الالتهابات مابتروحش وتتحول اللوز بعد كده لالتهابات مزمنه ولا تستجيب للعلاج.
* طب لو الالتهابات مكتررة كل اسبوع او شهر ايه سببها ونعمل ايه وامتى نشيل اللوز؟
*إحجز مع الأستاذ الدكتور محمد ربيع خيري أفضل إستشاري أنف وأذن وحنجرة بالزقازيق الشرقية.
#دكتور_محمدربيع_خيري إستشاري ودكتوراة الانف والأذن والحنجرة ، كلية الطب البشري جامعة الزقازيق ، إستشاري جراحات تجميل الأنف ومناظير الجيوب الانفيه.
*العنوان: الزقازيق - ميدان الصاغة - برج الصاغة - أول الكوبري - أمام مصوغات وديع انطوان.
*مواعيد العمل: من السبت الى الخميس إسبوعيا ، من ٣ - ٥ م ومن ٨ - ١٠ م
*سعر الكشف ١٠٠ جنيه فقط 🙂 الاعادة والمتابعة مجانا . غسيل الأذن مجانا . الكشف بالمناظير مجانا. هدفنا إعطاء خدمة مميزة للمرضى بسعر مناسب.
* تفاصيل عملية استئصال اللوز:
#Tonsillectomy
١- من الاسئلة الشائعة هل سن الطفل مناسب للعملية او الطفل ده يستحمل العملية والبنج؟
مفيش سن محدد للعملية ولكن يفضل ان الطفل يكمل ٣ سنين، أو ان الطفل يوصل ١٥ كيلو.
طب لو اقل من ٣ سنين بكام شهر والطفل بيتخنق وهوه نايم بسببها او مسببه مشاكل جامده ووزنه كمل ١٥ كيلو، ممكن يعملها عادي جدا.
٢- ايه التحاليل المطلوبة للعملية؟
بيحتاج صورة دم كاملة عشان نشوف الانيميا وتحاليل سيولة الدم ولو فيه مشاكل تانيه في الجسم بيطلب ليها تحاليل خاصة بيها.
٣- لو الطفل عنده انيميا ممكن يعمل العملية؟
لو العملية ليست عاجلة وممكن يستنى شوية ، ممكن ياخد علاج الاول للانيميا وبعد شهرين يعمل العملية. لو العملية عاجلة الى حد ما او ان الانيميا خفيفة (الهيموجلوبين اكتر من ١٠) ممكن يعملها عادي.
٤- ايه طرق وانواع استئصال اللوز؟ جراحة ولا ليزر؟
وده من الاكتر الاسئلة اللي بتتسأل من المرضى. الطرق اللي بتتعمل بيها اللوز هي الطريقة الجراحية العادية وبيتم فيها إستئصال اللوز بالالات الجراحية العادية وربط الشرايين اللي بتغذي اللوز بالخيوط. الطريقة التانية وهي إستئصال اللوز بجهاز الكي اللي بيقطع ويكوي الجرح في نفس الوقت وهي دي الطريقة اللي بيقولوا عليها بالليزر. انما مفيش ليزر حقيقي بيتعمل بيه اللوز. في طرق تانيه أقل إنتشارا زي جهاز الكوبولاتور (cobolator) اللي بيستئصل اللوز وبيقلل نسبة الألم بعد العملية ولكن التكلفة غالية جدا.
٥- ايه يا دكتور أفضل طريقة؟
الغريب ان الناس فاكرة ان إستئصال اللوز بالكي او الليزر كما يقال هوه الافضل. لكن في الحقيقة إستئصال اللوز بالطريقة الجراحية العادية وربط الشرايين بالخيوط هيه الافضل للمريض. الطريقة الجراحية العادية أكثر امانا واقل في الألم بعد العملية والطفل بياكل افضل بعد العملية والجرح بيلم بسرعة.
على عكس طريقة الكي او الليزر اللي بتكون اقل امانا والألم بعد العملية اشد والجرح بياخد فترة اطول عشان يلم. ولكن جهاز الكي اسهل في الاستخدام بالنسبة للجراح واسرع ولذلك الجراحين بيفضلوا يستخدموه عن الالات الجراحية العادية.
٦- الطفل بيقعد قد ايه في العملية وبعد العملية؟
العملية غالبا بتاخد من ٢٠ ل ٣٠ دقيقة وبعد العملية بيقعد ساعتين في المستشفى في الافاقة وممكن بعديها يروح البيت. نظام الاكل بيبقى سوائل واكل طري سهل البلع لمدة اسبوعان بعد العملية.
#دكتور_محمدربيع_خيري إستشاري ودكتوراة الانف والأذن والحنجرة ، كلية الطب البشري جامعة الزقازيق ، إستشاري جراحات تجميل الأنف ومناظير الجيوب الانفيه.
* يقوم الاستاذ الدكتور محمد ربيع خيري بإجراء عمليات استئصال اللوز واللحمية بأفضل المركز والمستشفيات بالزقازيق وبأحدث الاجهزة والالات وأفضل أجهزة التعقيم لسلامة المرضى وإعطاء افضل النتائج بأسعار مناسبة للجميع 🙂.
*العنوان: الزقازيق - ميدان الصاغة - برج الصاغة - أول الكوبري - أمام مصوغات وديع انطوان.
*مواعيد العمل: من السبت الى الخميس إسبوعيا ، من ٣ - ٥ م ومن ٨ - ١٠ م
*سعر الكشف 100 جنيه فقط 🙂 الاعادة والمتابعة مجانا . غسيل الأذن مجانا . الكشف بالمناظير مجانا. هدفنا إعطاء خدمة مميزة للمرضى بسعر مناسب.
#عمليةاللوز #tonsillectomy
تعليقات
إرسال تعليق
أكتب تعليقك او استفساراتك وسيتم الرد من قبل استشارى متخصص في جراحات وامراض الانف والاذن والحنجرة وتجميل الانف والوجه